ڈھاکہ۔ (ہمیشہ پاکستان) پاکستان اور بنگلہ دیش نے چھ مختلف معاہدوں پر دستخط کردیئے،آج ڈھاکہ میں وفود کی سطح پر ہونے والی بات چیت کے بعد پاکستان کے نائب وزیر اعظم و وزیر خارجہ سینیٹر محمد اسحاق ڈار اور بنگلہ دیش کے مشیر خارجہ کی نگرانی میں پاکستان اور بنگلہ دیش کے درمیان چھ معاہدوں پر دستخط کیے گئے۔
اس فہرست میں پاکستان اور بنگلہ دیش کے درمیان سفارتی اور سرکاری پاسپورٹ ہولڈرز کے لیے ویزا کے خاتمے کا معاہدہ، تجارت کے لیے مشترکہ ورکنگ گروپ پر ایم او یو، پاکستان اور بنگلہ دیش کی فارن سروس اکیڈمیوں کے درمیان ایم او یو، ایسوسی ایٹڈ پریس آف پاکستان کارپوریشن اور بنگلہ دیش سنگباد سنگستھا کے درمیان ایم او یو، انسٹی ٹیوٹ آف سٹریٹجک اسٹڈیز اسلام آباد اور بنگلہ دیش کے اسٹیٹ ایکسچینج انسٹی ٹیوٹ کے درمیان مفاہمت نامے شامل ہیں۔
یہ معاہدے تجارت اور اقتصادیات، سفارت کاروں کی تربیت، علمی تبادلوں، میڈیا تعاون اور ثقافتی تبادلوں میں دوطرفہ تعاون کو ادارہ جاتی سطح پر مزید مضبوط کریں گے۔
