اسلام آباد۔(اصغر علی) وفاقی وزیر ریلوے محمد حنیف عباسی نے معروف صحافی ابصار عالم کی والدہ کے انتقال پر گہرے دکھ اور افسوس کا اظہار کرتے ہوئے کہا ہے کہ دعا ہے اللہ لواحقین کو یہ صدمہ صبر و حوصلے سے برداشت کرنے کی توفیق دے اور ہم ابصار عالم اور ان کے اہلِ خانہ کے غم میں برابر کے شریک ہیں۔
وفاقی وزیر ریلوے محمد حنیف عباسی نے تعزیتی بیان میں مرحومہ کی مغفرت، بلندیٔ درجات اور پسماندگان کے لیے صبر و سکون کی دعا کرتے ہوئے کہا کہ اللہ تعالیٰ مرحومہ کو اپنی رحمت کے سائے میں جگہ عطا فرمائے۔ وزیر ریلوے نےاہلِ خانہ کے ساتھ دلی ہمدردی اور یکجہتی کا اظہار کیا۔
