اسلام آباد (ہمیشہ پاکستان ) 5 اگست مقبوضہ جموں و کشمیر کی تاریخ کا سیاہ ترین دن ہے۔بھارت نے مقبوضہ جموں و کشمیر کی خصوصی آئینی حیثیت کو مسخ کر کے اقوام متحدہ کی قراردادوں اور بین الاقوامی قانون کی کھلی خلاف ورزی کی۔مودی سرکار نے دھونس کے ذریعے کشمیریوں کے آئینی حقوق، شناخت اور آزادی پر شب خون مارا ہے۔ ظلم وتشدد، ماورائے عدالت قتل۔ میڈیا بلیک آؤٹ،اظہار رائے پر پابندی اور مسلسل کرفیو نے وادی کو انسانی حقوق کا قبرستان بنا دیا ہے۔نئے ڈومیسائل قانون کے تحت لاکھوں ہندو باشندوں کو وادی میں آباد کیا جا رہا ہے تاکہ مقامی آبادی کو اقلیت میں بدلا جا سکے۔ مقبوضہ کشمیر کا بحران عالمی برادری کی بے حسی کا نوحہ ہے.امریکی صدر ڈونلڈ ٹرمپ کی ثالثی کی مخلصانہ پیشکش پر بھی مودی سرکار ٹس سے مس نہ ہوئی۔یکطرفہ بھارتی اقدامات جنوبی ایشیا کے امن کے لیے سنگین خطرہ ہیں، مسئلہ کشمیر فوری طور پر بین الاقوامی توجہ کا متقاضی ہے.نہتے کشمیریوں کی جدوجہد کو سلام۔ جو غیر قانونی و غیر انسانی حربوں کے باوجود آزادی کی شمع بلند کئے ہوئے ہیں .پاکستان کا بچہ بچہ کشمیریوں کے ساتھ ہے اور ہر فورم پر ان کی اخلاقی، سیاسی اور سفارتی حمایت جاری رکھیں گے ۔
وفاقی وزیر داخلہ محسن نقوی کا یوم استحصال کشمیرپر خصوصی پیغام۔
